ირაკლი ჩიქოვანი - მიუღებელია სამეგრელოში ”ნაციონალური მოძრაობის“ სასარგებლოდ წარმოებული კამპანია » საინფორაციო ცენტრი "ჯიხა"
ჩემთვის მიუღებელია, ”ქართული ოცნების“ მიერ საკონსტიტუციო უმრავლესობის მოპოვების შიშით ”ნაციონალური მოძრაობის“ სასარგებლოდ წარმოებული კამპანია სამეგრელოში, - ამის შესახებ დეპუტატი ირაკლი ჩიქოვანი აცხადებს, რომელიც პარტია ”თავისუფალი დემოკრატებიდან” ზუგდიდის მაჟორიტარობის კანდიდატი იყო.

ჩიქოვანი უარყოფს ინფორმაციას მისი და მისი შტაბის წევრების მხრიდან ”ნაციონალური მოძრაობის“ მხარდაჭერის შესახებ და ამ თემაზე სპეციალური განცხადებას ავრცელებს.

”პირველ რიგში, მინდა, მადლობა გადავუხადო ზუგდიდსა და სამეგრელოს მხარდაჭერისათვის, რომელმაც ნათლად დამანახა, რომ ადამიანები მონდომებას პატივისცემითა და სითბოთი პასუხობენ. მადლობა იმ ათასობით ადამიანს, რომელმაც მხარი დამიჭირა, მიუხედავად იმისა, რომ არ წარმოვადგენდი არც მმართველ პარტიას და არც ”ნაციონალურ მოძრაობას“, რომელიც სამეგრელოს საკუთარ პლაცდარმად მიიჩნევს.

ბოლო პერიოდში ვრცელდება ინფორმაცია, ჩემი და ჩემი შტაბის წევრების მხრიდან ”ნაციონალური მოძრაობის“ თითქოს და, მხარდაჭერის შესახებ, რაზეც მინდა განვმარტო: 2009 წელს საჯარო სამსახურიდან ჩემი პოლიტიკაში მოსვლა განპირობებული იყო ჩემი განზრახვით, დავპირისპირებოდი ”ნაციონალური მოძრაობის“ პოლიტიკას და განსაკუთრებით, იმ ვითარებას, რაც შექმნილი იყო სამეგრელოში. 2012 წელს კი ჩემთან ერთად, თითზე ჩამოსათვლელი ადამიანი ღიად თუ უპირისპირდებოდა მათ ამ რეგიონში. ყოველივე ზემოაღნიშნული გამორიცხავს ჩემს მხარდაჭრას ამ პარტიის მიმართ.

ჩემთვის მიუღებელია ”ქართული ოცნების“ მიერ საკონსტიტუციო უმრავლესობის მოპოვების შიშით ”ნაციონალური მოძრაობის“ სასარგებლოდ წარმოებული კამპანია სამეგრელოში. იმედი მაქვს, რომ არ განმეორდება არც კორცხელი, არც ჯიხაშკარი და არჩევნების მეორე ტური აჩვენებს, რომ სამეგრელო არ არის არც ერთი პოლიტიკური ძალის მხრიდან ძალადობისა და პოლიტიკური მანიპულირების საგანი”, - აცხადებს ირაკლი ჩიქოვანი. скачать dle 10.3фильмы бесплатно

ჩვენს შესახებ

ყველა სახის საინფორმაციო საშუალებებში პუბლიკაციების გამოყენება (გადაბეჭდვა) ბეჭდვით ან ინტერნეტმედიაში რეგულირდება მხოლოდ წერილობითი შეთანხმების (ხელშეკრულების) საფუძველზე. ტელე და რადიო მედიის საშუალებების შემთხვევაში აუცილებელია წყაროს (საინფორმაციო ცენტრი "ჯიხა"") დასახელება. "ჯიხა"-ს პუბლიკაციების გამოყენება სხვა (ბეჭდვით ან ინტერნეტ) საინფორმაციო საშუალებებში წერილობითი თანხმობის გარეშე, ასევე პუბლიკაციების გამოყენება ტელე და რადიო საინფორმაციო საშუალებებში წყაროს მითითების გარეშე.